Hwyl Fawr Mrs Lewis

Yn yr Haf, gadawodd Mrs Lewis Ysgol Ciliau Parc. Roedd Mrs Lewis yn athrawes arbennig i flwyddyn 3 a 4 ac yn brifathrawes wych i’r ysgol gyfan.

Roedd y diwrnod olaf yn un bythgofiadwy, canodd yr ysgol gân i dôn ‘You are my Sunshine’ i Mrs Lewis ac yna rhoddon ni anrhegion iddi. Daeth y rhieni i wylio’r dathliad ar yr iard hefyd.

Dechreuodd Mrs Lewis yn yr ysgol nôl yn 2017. Gweithiodd fel athrawes a phrifathrawes am 5 mlynedd. Mwynheuon ni’r holl wersi iaith, hanes a cherdd. Diolch am yr holl wersi gwych! Roedd Mrs Lewis yn athrawes feddylgar a charedig. Diolch yn fawr am ein helpu i ddatblygu a’n ysbrydoli!

https://twitter.com/i/status/1548406028009476096

Ysgrifennwyd yr adroddiad gan Wilf, Gwenllian ac Evelyn, blwyddyn 5 a 6 Ysgol Ciliau Parc.