gan
Nia Llywelyn
Mae’n gyfnod prysur felly allwn ni awgrymu pump peth fyddai rhywun sy’n dysgu Cymraeg wrth eu bodd yn derbyn:
1. Mygiau Ymarfer
Cyfle perffaith i fwynhau paned o de neu goffi gyda dysgwr arall neu siaradwr Cymraeg yn ymarfer patrymau iaith. Mae dewis o ddau fyg gan Paned, ..a beth am brynu costeri hefyd!
2. Tanysgrifiad blwyddyn i Lingo Newydd.
Cylchgrawn gwych llawn erthyglau diddorol i ddysgwr o bob safon sy’n diweddaru’r darllenydd gyda beth sy’n digwydd yng Nghymru. Sypreis bach hyfryd i ddod trwy’r drws bob dau fis!
Lingo Newydd
Y cylchgrawn i bobl sy’n dysgu Cymraeg
A cofiwch sôn am y dudalen wê lingo360!
3. Gêm Gair am Air neu Sgrabl Cymraeg
Mae’n llawer o hwyl i ddysgu iaith a chwarae gemau yr un pryd!
Ewch amdani!
https://www.ylolfa.com/products/9780862436490/gair-am-air
4. Tocyn llyfr Gwales i brynu llyfrau o gyfres Amdani.
Mae yna gyfres arbennig nawr i bobl sy’n dysgu. Bydd cyfres Amdani yn arwain dysgwyr at lyfrau addas i’w safon.
https://learnwelsh.cymru/learning/amdani-series
5. Casgliad o CDs Cymraeg
Does dim byd gwell na gweld rhywun yn darganfod cerddoriaeth maen nhw’n ei fwynhau yn Gymraeg. Mae cerddoriaeth yn agor y drws i’r diwylliant Cymraeg. Beth an brynu tocyn o siop lyfrau Cymraeg i brynu eu dewis nhw o CDs (a chael sgwrs yn y siop yr un pryd… yn Gymraeg)