![](https://360.scdn8.secure.raxcdn.com/ased/sites/25/2022/09/9E3F8949-C653-4908-987E-640x396.jpeg?0)
![](https://360.scdn8.secure.raxcdn.com/ased/sites/25/2022/09/41A71DB0-25C6-4976-915C-308x190.jpeg?0)
![](https://360.scdn8.secure.raxcdn.com/ased/sites/25/2022/09/CBD29A08-907B-4AE4-A0AB-308x190.jpeg?0)
Bore ’ma cyrhaeddodd y newyddion bod Joshua Tarling 18 oed o Ffos y Ffin, cyn ddisgybl o Ysgol Gynradd ac Ysgol Gyfun Aberaeron wedi ennill medal aur yn y ras yn erbyn y cloc ym mhencampwriaeth beicio iau y byd yn Woolagong, Awstraia.
Wedi ennill y fedal arian y llynedd, aeth Josh un cam yn well eleni gan drechu pencampwr llynedd Hamish McKenzie o Awstralia o 19 eiliad.
Dywedodd Josh y bore ’ma, “Dydy hyn ddim wedi sinco mewn eto. Ma’ fe’n ryddhâd ar ôl cymaint o waith caled!”
Mae Josh wedi arwyddo i dîm enwog Ineos Grenadiers o 2023 – sy’n hyrwyddo talent arbennig o bob rhan o’r byd.
Daw’r llwyddiant yma ar ôl i Josh fod yn ran o dîm Cymru yng Ngemau’r Gymanwlad eleni.
Pob lwc iddo i’r dyfodol a diolch i Dawn ei fam am ddanfon y lluniau o Awstraia y bore ’ma.