![](https://360.scdn8.secure.raxcdn.com/ased/sites/25/2022/11/C496BDE2-8EAA-4D2E-B4B4-640x396.jpeg?0)
![](https://360.scdn8.secure.raxcdn.com/ased/sites/25/2022/11/0D9BB87E-5E2F-4FE3-A738-308x190.jpeg?0)
![](https://360.scdn8.secure.raxcdn.com/ased/sites/25/2022/11/9C8E2569-583A-4428-984E-308x190.jpeg?0)
Roedd Aberaeron yn llawn bwrlwm wrth i’r hen a’r Ifanc ymgynnull tu allan i Neuadd y Dref i groesawu’r Nadolig nos Wener diwethaf. Gyda’r goeden Nadolig yn ei lle ac arogl gwin poeth yn llenwi’r awyr, roedd pawb mewn hwyliau da!
Daeth plant yr Ysgol Gynradd ynghyd i gyd-ganu ffefrynnau’r Nadolig gyda’r gynulleidfa cyn i Siôn Corn gyrraedd mewn cerbyd sbesial iawn! Mewn eiliadau roedd ’na res hir yn aros i gwrdd â’r hen ŵr mwyn. Cafwyd bloedd o gyffro wrth i Darryl Evans, Maer Aberaeron oleuo y goeden hardd!
Mwynhawyd cawl blasus, mins peis hyfryd a gwin poeth a oedd wedi eu paratoi gan fusnesau gwahanol yn y dref! Diolch iddynt am eu haelionnu.
Diolch hefyd i Bwyllgor Gwelliannau Aberaeron am drefnu noson hwyliog i gychwyn dathliadau’r Nadolig.