![](https://360.scdn8.secure.raxcdn.com/ased/sites/25/2023/02/CC561EC4-E473-44B2-888C-640x396.jpeg?0)
![](https://360.scdn8.secure.raxcdn.com/ased/sites/25/2023/02/02EEFB89-2BC2-4B71-AD2A-142x88.jpeg?0)
![CEE9F88F-A5F6-44A5-A33F](https://360.scdn8.secure.raxcdn.com/ased/sites/25/2023/02/CEE9F88F-A5F6-44A5-A33F-142x88.jpeg?p)
![DC21CE23-BF35-421E-8B4C](https://360.scdn8.secure.raxcdn.com/ased/sites/25/2023/02/DC21CE23-BF35-421E-8B4C-142x88.jpeg?v)
![D1A3136F-F9A9-429C-A331](https://360.scdn8.secure.raxcdn.com/ased/sites/25/2023/02/D1A3136F-F9A9-429C-A331-142x88.jpeg?z)
![42C79CAF-9355-4F91-A1D9](https://360.scdn8.secure.raxcdn.com/ased/sites/25/2023/02/42C79CAF-9355-4F91-A1D9-142x88.jpeg?14)
![E69BC067-4CE8-4BC9-88A4](https://360.scdn8.secure.raxcdn.com/ased/sites/25/2023/02/E69BC067-4CE8-4BC9-88A4-142x88.jpeg?1m)
![BB24FD72-FB3C-46F6-8434](https://360.scdn8.secure.raxcdn.com/ased/sites/25/2023/02/BB24FD72-FB3C-46F6-8434-142x88.jpeg?1b)
![E4F1D03B-7772-47B8-979E](https://360.scdn8.secure.raxcdn.com/ased/sites/25/2023/02/E4F1D03B-7772-47B8-979E-142x88.jpeg?1h)
![EDF3622F-9124-43B3-9880](https://360.scdn8.secure.raxcdn.com/ased/sites/25/2023/02/EDF3622F-9124-43B3-9880-142x88.jpeg?1s)
![A6636D19-BAB4-41F1-9040](https://360.scdn8.secure.raxcdn.com/ased/sites/25/2023/02/A6636D19-BAB4-41F1-9040-142x88.jpeg?1w)
![59560764-4B6A-47EB-8D6E](https://360.scdn8.secure.raxcdn.com/ased/sites/25/2023/02/59560764-4B6A-47EB-8D6E-142x88.jpeg?20)
Nos Fawrth diwethaf, yr 21ain o Chwefror fuodd dros 40 o aelodau CFfI Felinfach, rhai am y tro cyntaf, yn perfformio yng Nghystadleuaeth Hanner Awr o adloniant CFfI Ceredigion yn Theatr Felinfach.
Cafwyd gwledd o adloniant gan 13 o glybiau Ffermwyr Ifanc y Sir yn ystod yr wythnos, ond i’r Syrcas aeth CFfI Felinfach eleni. Ac ar ôl cryn dipyn o ddysgu jôcs, dawnsio, canu a chwysu, llwyddodd y clwb i gipio’r 3ydd safle yn y gystadleuaeth. Tipyn o gamp!
Mae clod mawr hefyd i…
Alaw Mair Jones – Cydradd 3ydd fel yr Actores Orau
Iwan Thomas – 1af am y Sgript Gorau
Iwan Thomas ac Arweinyddion y Clwb – Cydradd 2il fel y Cynhyrchwyr Gorau
Mae’r aelodau yn ddyledus iawn i Iwan am roi ei amser a’i ddawn i helpu’r clwb unwaith eto, ac yn ddiolchgar tu hwnt i weddill yr arweinyddion a fuodd yn helpu i gynhyrchu, cadw trefn a chreu a chasglu gwisgoedd – dyma ichi waith tîm ar ei orau!
Cyngherdd y Goreuon
Yn unol â thraddodiad, mae’r clwb yn ail-berfformio’r Syrcas yng Nghyngerdd y Goreuon heno, 27ain o Chwefror yn Theatr Felinfach gyda CFfI Bro’r Dderi a ddaeth yn 2il yn y gystadleuaeth a CFfI Pontsian, enillwyr Hanner Awr o Adloniant CFfI Ceredigion, 2023.
Pob lwc i CFfI Pontsian yng nghystadleuaeth Hanner Awr o Adloniant CFfI Cymru ddydd Sul ym Mangor.
Heb gael cyfle i weld y Syrcas?
Wel peidiwch â phoeni, mae CFfI Felinfach yn ail berfformio’r Syrcas eto…
– Nos Iau, 2il o Fawrth am 7:30 ym Mhafiliwn Pontrhydfendigaid gyda CFfI Lledrod a CFfI Trisant
– Nos Wener, 3ydd o Fawrth am 7:30 yn Theatr Felinfach gyda CFfI Llanwenog a CFfI Llanllwni