Prynhawn agored yn gyfle i ffarwelio ag Ysgol Felinfach

Cafwyd prynhawn i’w gofio yn yr ysgol ddydd Sadwrn, 9 Tachwedd pan ddaeth llu o ffrindiau a theuluoedd yr Ysgol at ei gilydd i gael taith o amgylch yr Ysgol am y tro olaf.

Roedd yna lu o luniau i bori drwyddynt yn olrhain hanes yr Ysgol ar hyd y degawdau ac yna paned a chacen i’w fwynhau wrth hel atgofion a chwrdd â ffrindiau hen a newydd.

Torrwyd cacen arbennig, a oedd wedi ei pharatoi gan Mrs Margaret Bevan, gan un o ddisgyblion hynaf yr Ysgol, Mrs Beti Morris.

Braf oedd gweld yr Ysgol yn llawn. Diolch yn fawr i bawb ddaeth i ymuno â ni. Fe fydd yn ddiwrnod a fydd yn aros yn y cof am flynyddoedd lawer.