gan
Alaw Fflur Jones
AELOD IAU a HYN CFFI FELINFACH
Llongyfarchiadau mawr i Sion Morgans am ennill Aelod Iau y Flwyddyn, ac i Ianto Jones a Mared Fflur Jones am ennill Aelod Hyn y Flwyddyn. Da iawn chi gyd!
SOSIAL
Braf iawn hefyd oedd croesawi llond neuadd o aelodau hen a newydd i’n noson Sosial heno – 43 i gyd.
Diolch enfawr i Rhiannon Davies, Brenhines y Sir am ymuno gyda ni, ond yn bwysicach fyth am gadw trefn arnom ni gyd!
Rhwng y Knight, Cavelier a Jockey, sbinio’r caead tin swîts a her y balŵn, ma’n saff dweud bod yr aelodau wedi joio mas draw! Y gêmau sosial perffeth i groesawi, ac i ddod i nabod aelodau newydd.
Gorffenwyd y noson gyda chyfarfod, peint o sgwash a gwledd o ddanteithion – llwyr hanfodol ar ôl gŵd chwysad, credwch fi!
Edrychwn ymlaen at y flwyddyn sydd i ddod – blwyddyn llawn cymdeithasu, cystadlu a chwerthin rwy’n siŵr!